भन्सार छलीका अवैध सामान बरामद

धनगढी । कैलालीको गोदावरीबाट अवैध रुपमा भन्सार छली गरि ल्याईएका सामग्री बरामद गरिएको छ ।

गोदावरी नगरपालिका– २ अत्तरिया बजारको पहाडरोडस्थित सडक किनारमा भारतबाट ल्याईएका मोटरसाईकल पार्टस्हरु प्रहरीले बरामद गरेको हो ।

प्रहरी नायब उपरिक्षक गंगा बहादुर थापाको खटिएको प्रहरी टोलीले अन्दाजी १ लाख १९ हजार ३०० रुपैया बराबरका मोटरसाईकलका ईन्डीकेटर, ब्याट्री लगायतका सामग्रीहरु बरामद गरेको ईलाका प्रहरी कार्यालय मालाखेतीले जनाएको छ ।

बरामद गरिएका मालसामान भन्सार ऐन नियम बमोजिम आवश्यक कारबाहीका लागि पठाईएको प्रहरीले बताएको छ ।