धनगढी पोष्ट शुक्रबार, २२ चैत २०८१   April 4, 2025

भ्यानको ठक्करबाट कैलालीमा बालकको मृत्यु

भ्यानको ठक्करबाट कैलालीमा बालकको मृत्यु

धनगढी । कैलालीमा यात्रुबाहक भ्यानको ठक्करबाट बालकको मृत्यु भएको छ। पूर्वपश्चिम राजमार्ग अन्तरगत लम्कीचुहा नगरपालिका–१ को लालरत्न अस्पताल अगाडि सोमवार सुदूरपश्चिम प्रदेश ०१००१ च ३७४७ नम्बरको भ्यानको ठक्करबाट सोही ठाउँ बस्ने ६ वर्षीय बालक जेनिस विष्टको मृत्यु भएको प्रहरीले जनाएको छ।

जिल्ला प्रहरी कार्यालयका प्रवक्ता प्रहरी नायब उपरीक्षक (डीएसपी) कबिन्द्र सिंह बोहराले लम्कीचुहा नगरपालिका–५ की उर्मिला विष्टका ६ वर्षीय छोरा जेनिसको भ्यानको ठक्करबाट मृत्यु भएको बताए।