कैलालीबाट भन्सार छलीका सामान बरामद

धनगढी । कैलालीबाट भन्सार छलीका सामान बरामद गरिएको छ। जिल्लाको धनगढी उपमहानगरपालिका–७ मनेहरा, धनगढी उपमहानगरपालिका–३ शिशा पोष्ट, कैलारी गाउँपालिका–३ खोनपुर र शिवरत्नपुरबाट अबैंध रुपमा भारतबाट भन्सार छली गरि ल्याएका अन्दाजी २ लाख ६५ हजार ९ सय मूल्य बराबरको सामान बरामद गरिएको हो।

भन्सार छलीका बिडी, सुर्ती, गुड्खा, मेसिन, आईरन, चप्पल, स्याम्पु, बच्चाको खेलौना, बच्चाको टोपी, लेहेंगा लगायतका सामान जिल्ला प्रहरी कार्यालय कैलाली र इलाका प्रहरी कार्यालय हसुलियाबाट खटिएको प्रहरी गस्ती टोलीले बेबारिसे अवस्थामा फेला पारी नियन्त्रणमा लिएको छ।