धनगढीको सिद्धार्थ विद्या निकेतनले मनायो ४२ औँ वार्षिकोत्सव तथा अभिभावक दिवस

धनगढी । धनगढी उपमहानगरपालिका वडा नम्बर १ मा रहेको सिद्धार्थ विद्या निकेतन माध्यमिक विद्यालयले आफ्नो ४२ औँ वार्षिकोत्सव तथा अभिभावक दिवस मनाएको छ । विद्यालयले शुक्रवार एक कार्यक्रमका बीच आफ्नो ४२ औँ वार्षिकोत्सव तथा अभिभावक दिवस मनाएको हो ।

विद्यालयका अध्यक्ष एवम् प्रिन्सिपल चन्द्र बहादुर (सिबी) चन्दले चार बर्ष अघि मालिका इङलिश बोर्डिङ स्कुल र शारदा बिद्या निकेतन मिलाएर एउटै बिद्यालय संचालन गर्न शुरु गरेकोमा अहिले नाम समेत परिवर्तन गरेर शैक्षिक क्रियाकलापहरु अघि बढाइरहेको बताए ।

प्रिन्सिपल चन्दले दुई दशक लामो आफ्नो शैक्षिक अनुभवका आधारमा सिद्धार्थलाई अझै गुणस्तरिय र बिद्यार्थी मैत्री शिक्षण संस्थाको रुपमा बिकास गर्ने बताए । 

धनगढी इन्जिनियरिङ कलेज नाष्टका निदेृशक शिवहरी मुडभरीको   प्रमुख आतिथ्यतामा भएको उक्त कार्यक्रममा  नवजीवन सहकारी संस्थाका संचालक शिवकुमार फुलारा जोशी, बिद्यार्थी आराभ्य हमाल र आकांक्षा जोशीले मन्तव्य व्यक्त गरेका थिए ।

बिद्यालयबाट माध्यमिक तह उत्तीर्ण गरेर अहिले उच्च तहमा पुगेका पुर्व बिद्यार्थी र बिद्यालयका शिक्षक कर्मचारीहरुलाई सो अवसरमा सम्मानित गरिएको छ । सो अवसरमा शैक्षिक तथा खेलकुद कार्यक्रममा बिजेताहरुलाई पुरस्कार प्रदान गरिएको छ ।

विद्यालयका शिक्षक रामजी बगाले, महेश अवस्थी, विद्यार्थी सन्जय बोहरा, एलिना बोहरा, अनुप मिश्र र स्मृत्ति चन्दले सञ्चालन गरेको कार्यक्रममा स्वागत मन्तव्य विद्यालयका शिक्षक निरज थापाले व्यक्त गरेका थिए ।