दलित तथा विपन्न महिलालाई उद्यमी बनाउन बीउपूँजी रकम हस्तान्तरण

धनगढी । कैलालीका दुई पालिकामा समूहका विपन्न दलित महिलालाई आयआर्जन गरी स्वरोजगार बनाउन अनुदान रकम वितरण गरिएको छ । दलित महिला संघ फेडो कैलालीले धनगढी उपमहानगरपालिका र गौरीगंगा नगरपालिकाका १० वटा समूहका २९ जना विपन्न दलित महिलालाई तीन÷तीन लाखका दरले अनुदान रकम वितरण गरेको हो ।

नेपालमा दलित महिला र किशोरीको मानवअधिकार प्रवर्धन परियोजनाबाट उनीहरूलाई सो रकम अनुदान दिइएको हो । उक्त रकमबाट दलित तथा विपन्न महिलाहरूले स्थानीय स्तरमा उद्यमशील बनी आत्मनिर्भर बन्ने कोसिस गरिरहेका छन् । महिलाहरूले सो रकम कुखुरा पालन, खुद्रा पसल, बाख्रा पालन, बंगुरपालन जस्ता व्यवसायमा लगानी गरेका छन् । 

परियोजनाबाट व्यवसाय सञ्चालन सहयोग र ङ्याचिगम् सहयोग गरी प्रति व्यक्ति १५ हजार देखि ३५ हजार सम्म अनुदान दिइएको दलित महिला संघका अध्यक्ष सविना सुनारले बताइन् ।

अनुदान रकम थोरै भए पनि त्यसमा थपेर विपन्न महिलाहरूले सानो सानो उद्यम गरी आफूलाई स्वरोजगार बनाउन बनाउन कोसिस गरेका छन् । रकम दिनु अघि संस्थाले उनीहरूलाई उद्यमशीलता विकास तालिम, व्यावसायिक योजना निर्माण लगायतका सीप प्रदान गरेको थियो ।  

दुवै पालिका तथा वडा स्तरीय जनप्रतिनीधीको रोहवरमा वितरण गरिएको सो अनुदान रकमहरू समूहको बीउपूजीका रूपमा रहने र बढीमा एक वर्ष छि घुम्ती कोषका रूपमा अन्य व्यवसाय गर्ने सदस्यलाई  समूहले निर्णय गरी प्रदान गरिने कार्यक्रम संयोजक विनोद कुमार घिमिरेले बताए । 
 जसबाट समूहको बचत कोषको प्रवर्धन भई समूहका प्रत्येक सदस्यलाई आर्थिक गतिविधि सञ्चालन गर्न मद्दत पुग्नेछ ।