लेखा अधिकृतको आन्दोलनले सुुदुरपश्चिमा तलब रोकियो

धनगढी । वृत्ति विकासको माग सहित  लेखा अधिकृतहरु काम रोकेर आन्दोलनमा उत्रिएपछि सुदुरपश्चिमका मुख्यमन्त्री सहित  कसैले पनि फागुनको तलब  पाउन सकेका छैनन् । प्रदेशमा कार्यरत लेखा अधिकृतहरु  २७ फागुनदेखि काम छोडेर आन्दोलनमा छन् ।

लेखा अधिकृतहरुले काम नै नगरेपछि प्रदेश सरकार अन्तगर्तका सबै जनप्रतिनिधि र कर्मचारीहरुले तलब पाउन सकेका छैनन् ।

सुदूरपश्चिम सरकारका पदाधिकारी र कर्मचारीहरूले प्रत्येक महिनाको २५ गतेपछि पारिश्रमिक पाउने  गरेका थिए । सुदुरपश्चिम प्रदेशमा प्रदेशका करिब दुई हजार जनाले पाश्रिमिक पाउन् गरेका छन् । 

सुदुरपश्चिम प्रदेश लेखा नियन्त्रक बासुदेव जोशीले भने, ‘सबै पुरै कारोबार नै रोकिएको छ, उनीहरुले कारोबार नै ग¥या छैन् । हामीका आएर धर्ना दिएका छन् । त्यो भएको हुनाले सबै कुरो रोकिएको छ । तलब भत्ता मात्रै नभईकन अरु भुक्तानीहरु पनि रोकिएको अवस्था हो ।’ लेखा अधिकृतको आन्दोलनले गर्दा तल्कालका लागि खर्च हुने बजेटमा समेत असर पुगेको उनले बताए । 

लेखा समूहका अधिकृतहरुले प्रदेश निजामती सेवाको नवौँ तहमा प्रशासन सेवाका समूह हटाउनुपर्ने माग राखेका छन् । 

यस्तै, लेखा समूहको ओएण्डएम गर्नुपर्ने, प्रदेश लोकसेवा आयोगले २० फागुन २०८१ मा खोलेको प्रशासन सेवाको विज्ञापन स्थगित गर्नुपर्ने र पुनः पछि एकमुष्ट विज्ञापन गर्नुपर्ने उनीहरुको माग छ । माग सम्बोधन गर्न सक्ने अवस्था नरहे संघमा फिर्ता पठाइदिन लेखा अधिकृतहरूले आग्रह गरेका छन् ।

सुदूरपश्चिम प्रदेश लेखा समूह कर्मचारीको वृति विकासका लागि संघर्ष समितिका संयोजक बलदेव कपाडीले मंगलबार बसेको बैठकले बिहीबारसम्म भुक्तानी रोक्का राख्ने निर्णय गरेको बताए । उनले शुक्रबार फेरी बैठक बस्ने र भुक्तानी रोक्का लगायत आन्दोलनका कार्यक्रमहरु के गर्ने भन्ने विषयमा छलफल हुने बताए । 

उनका अनुसार प्रदेश लोक सेवा आयोग लागि विज्ञापन प्रक्रिया त्रुटिगत रहेको भन्दै विज्ञापन रद्द गर्न नत्र सच्चाएर विज्ञापन निकाल्न भन्दै मंगलबार ज्ञापन पत्र बुझाइएको छ ।

आन्दोलनरत लेखा अधिकृतहरुसंग वार्ता गर्न प्रदेश सरकारले आर्थिक मामिला मन्त्रालयका सचिव झलकराम अधिकारीको संयोजकत्वमा ओ एन्ड एम गर्ने समिति बनाइएको छ ।