सुदूरपश्चिमका मुख्यमन्त्री शाह र सेना प्रमुख सिग्देलबिच भेटघाट

धनगढी । सुदूरपश्चिम प्रदेशका मुख्यमन्त्री कमलबहादुर शाह र नेपाली सेना प्रमुख प्रधान सेनापति महारथी अशोकराज सिग्देलबिच धनगढीमा भेटघाट भएको छ । 

भूतपूर्व सैनिक सम्मेलनका लागि सुदूरपश्चिम प्रदेश पुगेका सेना प्रमुख सिग्देलले बिहीबार मुख्यमन्त्री निवास पुगेर भेटघाट गरका छन् ।

सुदूरपश्चिम पृतना हेडक्वार्टर कैलालीमा बिहीबार भूतपूर्व सैनिक सम्मेलन हुँदै छ । त्यसको लागि उनी कैलाली पुगेका हुन् । 

भेटघाटको क्रममा दुवैबिच सुदूरपश्चिम प्रदेशमा धार्मिक पर्यटन विकासको विषयमा छलफल भएको मुख्यमन्त्रीका प्रेस तथा जनसम्पर्क सल्लाहकार डम्मर बमले जानकारी दिए ।

भेटघाटमा मुख्यमन्त्री शाहले सुदूरपश्चिमलाई धार्मिक पर्यटकीय क्षेत्रको रुपमा विकास गर्ने बताए । यस प्रदेशको प्रसिद्ध धार्मिक स्थल बडिमालिकामा पर्यटन विकासका लागि नेपाली सेनाले काम गरिरहेको छ ।