धनगढीको ऐश्वर्य विद्या निकेतन र वडाअध्यक्ष बिच सम्झौता

धनगढी । धनगढी उपमहानगरपालिका वडा नम्बर ५ मा रहेको ऐश्वर्य विद्या निकेतन माध्यमिक विद्यालयले नयाँ शैक्षिक सत्र २०८२ सालदेखि उपमहानगरपालिका १९ वटा वडाका विद्यार्थीलाई छात्रवृति उपलब्ध गराउने भएको छ ।

विद्यालयले शनिबार विद्यालयमा १९ वटै वडाका वडाअध्यक्ष बिच छात्रवृति उपलब्ध गराउने सम्झौता गरेको छ । प्रत्येक वडाबाट दुई जना विद्यार्थीलाई छात्रवृति उपलब्ध गराउने उदेश्यले १९ वटै वडाका वडाअध्यक्ष सँग सम्झौता गरेको हो ।

विद्यालयमा अध्ययनरत विद्यार्थीहरुलाई वडाको सिफारिसमा प्रत्येक वडाबाट दुई जना विद्यार्थीलाई छात्रवृति उपलब्ध गराउने भन्दै विद्यालय व्यवस्थापन समिति अध्यक्ष नृपबहादुर वड र १९ वटै वडामा वडाअध्यक्ष बिच सम्झौता पत्रमा हस्ताक्षर गरेका थिए ।