गोदावरीमा कोरोना संक्रमण देखिएका सबै भारतबाट आएका

धनगढी

  कैलालीको गोदावरी नगरपालिकामा शनिबार कोरोना पुष्टि भएका सबै २७ जना केही दिन अघि मात्र भारतबाट आएकाहरु रहेका छन् ।

 कोरोना संक्रमण देखिएका सबै  भारतबाट आएर होम क्वारेन्टिनमा बसिरहेकाहरु रहेको गोदावरी नगरपालिकाका स्वास्थ्य शाखा प्रमुख बीर बहादुर कुवरले बताए ।

   स्वास्थ्य शाखा प्रमुख कुवरका अनुसार कोरोना पुष्टि हुनेका  वडा नम्बर  १ का ५ जना, वडा नम्बर ५ का ३ जना, वडा नम्बर ६ का १२ जना र वडा नम्बर ९ का ७ जना रहेका छन् ।

   गोदावरी नगरपालिकाले साउन १२ गते कोरोना परिक्षणका लागि पठाएका४८ जनाको स्वाबमध्य शनिबार  संक्रमण पुष्टि भएको हो । साउन १५ गते १८ जनामा पनि कोरोना संक्रमण पुष्टि भैसकेको छ ।