नेकपा एकीकृत समाजवादीको प्रथम प्रदेश अधिवेशन चैत १७ र १८ गते

धनगढी । नेपाल कम्युनिष्ट पार्टी ९एकीकृत समाजवादी० सुदूरपश्चिम प्रदेश कमिटीको प्रथम प्रदेश अधिवेशन चैत्र १७ र १८ गते धनगढीमा हुने भएको छ।

अधिवेशनमा पार्टीका अध्यक्ष तथा पूर्वप्रधानमन्त्री माधवकुमार नेपालको प्रमुख आतिथ्यता रहने प्रदेश अध्यक्ष हर्कबहादुर सिंहले बताए ।  

अधिवेशनलाई भव्य रूपमा सम्पन्न गर्न प्रदेश अध्यक्ष सिंहको अध्यक्षतामा मूल आयोजक समिति गठन गरिएको छ भने १० वटा उपसमितिहरूले आवश्यक तयारी गरिरहेको नेकपा एकीकृत समाजवादी सुदूरपश्चिम प्रदेश कमिटीले जानकारी दिएको छ।

अधिवेशनमा ९ वटै जिल्ला, प्रदेश जनसंगठन र आयोजक समिति गरी ५०० भन्दा बढी प्रतिनिधिहरूको सहभागिता रहनेछ ।

उपाध्यक्ष भानुभक्त जोशीका अनुसार अधिवेशनलाई सभ्य र भव्य रूपमा सम्पन्न गर्न सबै तहका पार्टी कार्यकर्ता तीव्र गतिमा तयारीमा जुटेका छन्।

यस अधिवेशनले सुदूरपश्चिममा पार्टीको सांगठनिक सुदृढीकरण र आगामी राजनीतिक दिशाबारे मार्गनिर्देशन गर्ने अपेक्षा गरिएको छ ।