एमालेले भोलि सुदूरपश्चिममा शक्ति प्रदर्शन गर्ने

धनगढी । नेकपा एमालेले सुदूरपश्चिम प्रदेशका सबै जिल्लामा एकसाथ शक्ति प्रदर्शन गर्ने भएको छ । एमालेले संघीय लोकतान्त्रिक गणतन्त्रका पक्षमा सोमबार प्रदेशका ९ वटै जिल्लामा शक्ति प्रदर्शन गर्ने भएको हो ।

एमाले सुदूरपश्चिम प्रदेश कमिटीका सचिव रणबहादुर चन्दले 
पार्टीको निर्णयअनुसार सोमबार सबै जिल्लामा मोटरसाइकल (याली तथा जागरण सभामार्फत गणतन्त्रका पक्षमा शक्ति प्रदर्शन गर्न लागिएको जानकारी दिए ।

चन्दका अनुसार कैलालीमा मात्र तीन ठाउँमा मोटरसाइकल (याली निकाल्ने तयारी छ । अत्तरियादेखि धनगढीसम्म, घोडाघोडी र टीकापुरमा छुट्टाछुट्टै मोटरसाइकल (याली निकालिनेछ छ । अत्तरियादेखि धनगढीसम्म दिउँसो २ बजे मोटरसाइकल (याली निकालिने सचिव चन्दले बताए ।

पहिलो चरणमा सबै जिल्लामा मोटरसाइकल (याली तथा जागरण भेला गर्न लागेको एमालेले चैत २९ गते धनगढीमा विशेष जनसभा गर्ने तयारी गरेको छ । संघीय लोकतान्त्रिक गणतन्त्रको पक्षमा एमालेले शक्ति प्रर्दशन गर्ने लक्ष्यसहित विशेष जनसभा आयोजना गरिरहेको हो । जनसभालाई एमालेका केन्द्रीय नेताहरुले सम्बोधन गर्न सुदूरपश्चिम प्रदेश कमिटीले जनाएको छ ।