पत्रकार महासंघ कैलालीद्वारा प्रमुख जिल्ला अधिकारी मार्फत नेपाल सरकारलाई ज्ञापनपत्र

धनगढी । नेपाल पत्रकार महासंघ कैलालीले प्रमुख जिल्ला अधिकारी मार्फत नेपाल सरकारलाई ज्ञापन पत्र बुझाएको छ ।

महासंघले सोमबार कैलालीका प्रमुख जिल्ला अधिकारी गोगनबहादुर हामाल मार्फत सो ज्ञापनपत्र बुझाएको हो ।

 १५ चैतमा काठमाडौँमा राजाबादी आन्दोलनको हिंसात्मक आन्दोलनमा आराजक मानिसको भिडले संचारगृह तोडफोड, पत्रकार सुरेश रजकको आगोमा जलेर मृत्यु भएको र पत्रकार माथी हातपात र कुटपिट गरिएकोले सरकारको ध्यानार्कषण गराउन ज्ञापन पत्र बुझाएको नेपाल पत्रकार महासंघ कैलाली शाखाका अध्यक्ष श्रवण देउवाले जानकारी दिए ।

प्रमुख जिल्ला अधिकारी हमालले ज्ञापनपत्र बुझ्दैँ आफूले भोलि सो ज्ञापनपत्र सरकार समक्ष पठाई दिने बताए ।

कैलाली जिल्लामा शान्ती सुरक्षा अमन चयनका साथै पत्रकारको सुरक्षाका लागि आफु कटिबद्ध रहेको उनले बताए ।