सहकारीको महत्वपुर्ण भुमिका छ : बम

धनगढी ।  सुदुरपश्चिम प्रदेका आथिैक मामिला राज्यमन्त्री  प्रकाश बहादुर देउवाले सहकारीले समाजमा पुयाएको योगदान महत्वपुर्ण रहेको बताएका छन् । बिगतमा महाजनी प्रथा  अन्त्य गर्न नेपालमा सहकारीको शुरु गरिएको बताउँदै राज्मन्त्री बमले  अहिले सहकारीहरुले आर्थिक आयआर्जनमा महत्वपुर्ण भुमिका खेलिरहेको बताए ।

सहकारीहरुले अब आफुलाई उत्पादनसँग जोडेर लैजानु पर्ने ६८ औं सहकारी दिवसको उपलक्ष्यमा जिल्ला सहकारी संघ लिमिटेडले बुधबार धनगढीमा आयोजना गरेको कार्यक्रममा राज्यमन्त्री  बमले बताए । आफनै उत्पादन र शेयर सदस्यहरुको आयआर्जनमा  सहकारी अघि बढ्न आवश्यक रहेको बमले बताए ।

देशमा बैंकहरु आए पनि बैंकहरु आयमा केन्द्रित हुने भएकोले कमजोर बर्गलाई ऋण नदिने हुदा सहकारी नै सहयोग गरिरहेको बताए

प्रदेश सभा सदस्य तुलसी देवकोटाले  सहकारीले सदस्यहरुको आय आजन बृद्धि मात्र नगरेर सशक्तिकरण र नेतृत्व बिकास पनि गरिरहेको बताइन् ।

भुमि व्यवस्था, कृषि तथा सहकारी मन्त्रालयका सचिव यज्ञराज जोशीले सहकारीहरुलाई कृषि उत्पादन र बजारीकरणसँग जोडेर लैजान सके गरिबी न्युनीकरणमा महत्वपुर्ण कार्य हुन सक्ने बताए ।

जिल्ला  सहकारी संघका सल्लाहकार भुपेन्द्र थापाले  सहकारीहरुले सदस्यहहरुको हितमा अझै बढी केन्द्रित हुन आवश्यक रहेको बताए ।

जिल्ला सहकारी संघ कैलालीका अध्यक्ष  सापकोटाले  सहकारीहरुको क्षमता बिकास गरेर उत्पादनसँग जोड्दै गरिबी न्युनीकरणमा जोड्न आवश्यक रहेको बताए ।

सचिव जयराज न्यौपानेले संचालन गरेको उक्त कार्यक्रममा सहकारी रजिष्टार गोकुल बोहरा, राष्ट्रिय  सहकारी महकासंघका संचालक माधव जोशी,  केन्द्रिय बचत तथा ऋण सहकारी संघका संचालक दिप्ती शाही, जिल्ला सहकारी संघका संल्लाहकारहरु सीताराम राना, दिर्घराज जोशी, राज ओझा, बिशिष्टीकृत सहकारी संघकी कोषाध्यक्ष शान्ति सिंहले मन्तव्य व्यक्त गरेका थिए ।

बिहान ट्राफिक चौराहबाट शुरु भएको रयाली जिल्ला सहकारी संघको कार्यालयमा पुगेर सभामा परिणत भएको थियो ।