कैलालीमा १४ हजार राष्ट्रिय परिचयपत्र (कार्ड) वितरण

धनगढी । जिल्ला प्रशासन कार्यालय कैलालीले पालिकाहरुमा १४ हजार १३ वटा राष्ट्रिय परिचयपत्र (कार्र्र्ड) वितरण गरेको छ । प्रशासनले चैत ४ गतेदेखि स्थानीय तहमा कार्ड वितरण अभियान शुरु गरेको हो । टोली नै खटाएर प्रशासनले कार्ड वितरण अभियान चलाइरहेको छ । 

हालसम्म पालिकाहरुमा पाँच प्रतिशत कार्ड वितरण भइसकेको जिल्ला प्रशासन कार्यालय कैलालीका सूचना अधिकारी शिवराज जोशीले बताए । स्थानीय तहका प्रत्येक वडाहरुमा १०÷१० दिनसम्म कार्ड वितरण्य भईरहेको छ । 

जिल्लाभरी पालिकामा नै गएर तीन लाख नौ हजार चार सय ८४ कार्ड वितरण गर्ने लक्ष्य छ । सूचना अधिकारी जोशीका अनुसार जिल्लाका १२ वटा स्थानीय तहमा कार्ड वितरणको काम भइरहेको छ । विभागबाट कार्ड नआइपुगेकाले एउटा पालिकामा कार्ड वितरणको काम शुरु हुन नसकेको उनले बताए । 

उनका अनुसार तीन वर्ष पहिले वडा÷वडामा गएर टोली मार्फत राष्ट्रिय परिचयपत्रको विवरण संकलन गरेकाहरुको कार्ड बनेर प्रशासनमा प्रराप्त भएकाहरुको टोली खटाएर वितरण अभियान अगाडि बढाइएको छ । आफूहरुलाई प्रराप्त भएका कार्डहरु अभियानमै वितरण गर्न उदेश्यका साथ आफूहरु लागि परेको उनले बताए । 

जिल्लाभरमा सबै भन्दा बढी कार्ड वितरण धनगढी उपमहानगरपालिका र सबै भन्दा कम कार्ड वितरण मोहन्याल गाउँपालिकामा रहेको छ । 
उनका अनुसार धनगढी उपमहनागरपालिकामा ५३ हजार एक सय ९४ कार्ड रहेकोमा पाँच सय सात कार्ड वितरण गरिएको छ, भने मोहन्याल गाउँपालिकामा पाँच हजार दुई सय ५० कार्ड रहेको छ । मोहन्यालमा कार्ड वितरणका लागि बुधबार मात्रै टोली खटाइएकाले कार्ड वितरण कार्यमा ढिलाई भएको प्रशासनले जनाएको छ । 

गोदवारी नगरपालिकामा ३७ हजार पाँच सय ५१ कार्ड रहेकोमा दुई हजार चार सय ७३ कार्ड वितरण भएको छ, भने गौरीगंगा नगरपालिकामा २७ हजार दुई सय ५० कार्ड रहेकोमा एक हजार दुई सय १५ कार्ड वितरण भएको छ । 

उनका अनुसार घोडाघोडी नगरपालिकामा ३६ हजार एक सय ६० कार्ड रहेकोमा एक हजार तीन सय ९८ कार्ड वितरण भएको छ, भने लम्कीचुहा नगरपालिकामा ३२ हजार सात सय ६५ कार्ड रहेकोमा एक हजार सात सय ६८ कार्ड वितरण भएको छ । 

उनले भजनी नगरपालिकामा २७ हजार ८० कार्ड रहेकोमा एक हजार १८ कार्ड वितरण भएको छ, भने चुरे गाउँपालिकामा छ हजार चार सय ४४ कार्ड रहेकोमा एक हजार एक सय ९४ कार्ड वितरण भएको बताए । 

उनका अनुसार कैलारी गाउँपालिकामा २७ हजार तीन ७६ कार्ड रहेकोमा एक हजार पाँच सय ५७ कार्ड वितरण भएको छ, भने बर्दगोरिया गाउँपालिकामा १४ हजार एक सय ४१ कार्ड रहेकोमा सात सय २४ कार्य वितरण भएको छ । 

जानकी गाउँपालिकामा २४ हजार सात सय ७३ कार्ड रहेकोमा आठ सय ८९ कार्ड वितरण भएको छ, भने जोशीपुरमा १७ हजार पाँच सय कार्ड रहेकोमा एक हजार दुई सय ७० कार्ड वितरण भएको उनले बताए । उ

नले टिकापुर नगरपालिकाको कार्ड विभागबाटै नआएकाले वितरण कार्य सुरु नभएको बताए । विभागबाट कार्ड आफूहरुलाई प्रराप्त हुँदा साथ वितरण कार्य सुरु गर्न उनको भनाइ छ । 

अभियान अवधिमा परिचयपत्र नबुझेकाहरुको कार्ड जिल्ला प्रशासन कार्यालयमै राखिनेछ । त्यसपछि सम्बन्धित व्यक्तिले प्रशासन कार्यालयमै पुगेर परिचयपत्र लिनुपर्ने प्रशासनले जनाएको छ ।