भारतको उत्तर प्रदेशमा कोरोनाका कारण क्याबिनेट मन्त्रीको निधन

धनगढी

भारतमा कोरोना संक्रमणका कारण उत्तर प्रदेश प्रान्तमा प्राविधिक शिक्षा मन्त्री कमल रानी बरुणको आइतबार निधन भएको छ ।

उच्च रक्तचाप तथा डायबिटिजकी बिरामी रहेकी मन्त्री बरुण साउन ३ गते कोरोना पुष्टि भएपछि लखनऊस्थित सञ्जय गान्धी मेमोरियल मेडिकल कलेजमा भर्ना भएकी थिइन् । मन्त्री बरुणको आइतबार बिहान ९ बजे मृत्यु भएको भारतीय सञ्चार माध्यमहरुले जनाएका छन् ।

उनी कानपुरको एउटा गाउँ घाटमपुरबाट विधायक थिइन । दुई पटक कानपुरबाट लोक सभा सदस्य रहिसकेकी उनले भारतीय जनता पार्टीका दिग्गज नेता मुरली मनोहर जोशी कानपुरबाट चुनाव लड्ने भएपछि उनका लागि सीट छोडेर विधान सभामा चुनाव लडेकी थिइन् ।

उनको शब परिवारजनले अस्पतालबाट बुझेर कानपुर लगेका छन् । उनको अन्तिम संस्कार आइतबारै साँझ गर्ने तयारी गरिएको परिवारजनले बताएको भारतीय सञ्चार माध्यमले उल्लेख गरेका छन् ।

मन्त्री कमल रानी बरुणको र्मत्यु पछि उत्तरप्रदेशका एक दिन राजकीय शोक घोषणा गर्दै सार्वजनिक विदा दिने निर्ण गरिएको छ । बिभिन्न धार्मिक सभालाई सम्बोधन गर्न र केही सरकारी कामका शिलशिलामा अयोध्या जाँदै गरेका उत्तर प्रदेशका मुखयमन्त्री योगी आदित्य नाथले आफ्ना सबै कार्यक्रम स्थगित गरेका छन् ।