आरडीटी परिक्षण बन्द गर्न निर्देशन

काठमाडौं

   स्वास्थ्य तथा जनसंख्या मन्त्रालयले आरडिटी परीक्षण नगर्न निर्देशन दिएको छ ।  स्वास्थ्य मन्त्रालयका प्रवक्ता डा जागेश्वर गौतमले आइतबारको कोभिड १९ को नियमित प्रेस ब्रिफिङमा  आरडिटी परीक्षण नगर्न सबै निकायहरुलाई  निर्देशन दिएका हुन् ।

   डा गौतमले सात वटै प्रदेश, स्थानीय तह र अस्पताललाई आरडिटी परीक्षण नगर्न  जानकारी गराएका हुन् ।

   विश्व स्वास्थ्य संगठनले मान्यता नदिएको आरडिटी परीक्षणलाई सरकारले लामो समयदेखि मान्यता दिदै आएकोे थियो । आरडीडीटी परिक्षणमा पोजिटिभ आएपछि मात्र पीसीआर परिक्षण गर्ने गरेको थियो ।  

  इनफ इज  इनफले गरेको आन्दोलनपछि सरकारले आरडीटटी परिक्षण रोक्ने सहमति गरेको थियो ।  पिसिआर परीक्षणको दायरा बढाउन र आरडिटी बन्द गर्न विभिन्न विज्ञहरुले समेत सुझाव दिँदै आएका थिए  ।