कैलालीमा मोटरसाइकलको ठक्करबाट साउँदको मृत्यु

धनगढी । कैलालीको अत्तरियामा मोटरसाइकलले ठक्कर दिँदा गम्भीर घाइते भएकी बैतडीकी ३० बर्षीया हरु साउँदको मृत्यु भएको छ ।

शिवनाथ गाउँपालिका–४ कुङेफाँटा घर भएकी साउँदलाई वैशाख २३ गते मोटरसाइकलले ठक्कर दिएको थियो । 

मोटरसाइकलको ठक्करबाट गम्भीर घाइते भएकी साउँदको उपचारका क्रममा मायामेट्रो अस्पताल धनगढीमा मृत्यु भएको हो । 

बच्चाहरुलाई पढाउनका लागि वैशाख २३ गते घरबाट अत्तरीया गएकी साउँदलाई सोही दिन साँझ मोटरसाइकलले ठक्कर दिएको थियो ।

मृतक साउँदका दुई छोरा छन् । साउँदलाई ठक्कर दिने मोटरसाइकल चालकलाई प्रहरीले सोही दिन नियन्त्रणमा लिएको थियो ।