वित्तीय अनुशासन पालना, बेरुजु फछ्र्यौट र सुशासन प्रवद्र्धधनमा अन्तरक्रिया

धनगढी । धनगढीमा स्थानीय सरकारमा वित्तीय अनुशासन पालना, बेरुजु फछ्र्यौट र सुशासन प्रवद्र्धधनका सम्बन्धनमा जिल्ला स्तरीय अन्तरक्रिया कार्यक्रम सम्पन्न भएको छ । गाउँपालिका राष्ट्रिय महासंघ नेपालको आयोजनामा धनगढीमा बिहीबार जिल्ला स्तरीय अन्तरक्रिया कार्यक्रम सम्पन्न भएको हो ।

कार्यक्रममा बोल्दै जिल्ला समन्वय समिति कञ्चनपुरका प्रमुख दुर्गादत्त बोहराले  आफूहरूले जिम्मेवारी लिने बेलामा जुन किसिमका साथमा जिम्मेवारीमा आएकोमा कहिन–कहिन आफूहरूबाट कमी कमजोरी भएको बताए । 

त्यो कमी कमजोरीलाई सचाएर अगाडि बढ्नुपर्छ भने उद्देश्यका साथ राम्रो कार्यक्रमको सुरुवात गरेकोमा आयोजक प्रति उनले धन्यवाद व्यक्त गरे । जनताको अपेक्षा मात्रै नभई आफूहरूका अपेक्षाकृत काम गर्न नसकिएको उनले बताए । 

कानुन निर्माण भए पनि कानुनको पूर्ण पालन गर्न तर्फ मानव स्वभाव नै नभएको उनको भनाइ छ । कानुनको पूर्ण पालन गर्न सक्यो भने भोलिका दिनमा पुर्खाहरूले सम्झन सक्ने उनले बताए । 

गाउँपालिका राष्ट्रिय महासंघ नेपालका उपाध्यक्ष लक्ष्मणबहादुर शाहीले स्थानीय तहमा वित्तीय अनुशासन नहुँदा बेरुजु लगायत भ्रष्ट्राचार व्यापक बढी रहेको बताए । स्थानीय सरकारको कार्यसम्पादन लगायत कार्यशैलीप्रति प्रश्न खडा भइरहेको उनले बताए । 

जनताहरूले स्थानीय सरकारप्रति लगाएको आरोपलाई चिन्नका लागि भए पनि बाँकी अवधिमा बेरुजु फर्छयौटालाई कम लगायत न्यूनीकरण गर्न तर्फ सबै जना लाग्नुपर्ने उनको भनाइ छ । 

आफूहरू माथि लाग्दै गरेको आरोपलाई चिन्नका लागि जनताबिचमा सकारात्मक सन्देश प्रवाह गर्नकै लागि स्थानीय सरकार जिम्मेवार हुनै पर्ने उनले बताए । उनले कार्यशैली, निष्पक्षता, प्रदर्शितता, जबाफदेहिता र वित्तीय अनुशासन कायम गर्न सन्दर्भमा आफूहरू जिम्मेवार हुनुपर्ने जरुरी रहेको बताए । 

निर्वाचनका बेला जनताका बिचमा गरेका घोषणापत्रलाई कार्यान्वयन गर्नका लागि आफूहरू माथि उठेका प्रश्नहरूलाई सहज रूपले ग्रहण गर्दै अगाडि बढ्नुपर्ने उनले बताए । 

गाउँपालिका राष्ट्रिय महासंघ सुदूरपश्चिमका प्रदेश अध्यक्ष लोकेन्द्रबहादुर शाहीले स्थानीय तहमा जाने कर्मचारीहरूलाई डराउने किसिमको प्रस्तुति बनेकाले यसलाई सहजीकरण गर्नका लागि यस्ता अन्तरक्रिया कार्यक्रमले गर्दा उनीहरूको मनोबल उच्च रहने बताए । 

दक्ष जनशक्तिहरू तराईका पालिकाहरूमा केन्द्रीत हुने र पहाडतिरका पालिकाहरूमा रिक्त रहने अवस्था रहेको उनले बताए । उनले प्रमुख प्रशासकीय हुनुपर्ने ठाउँमा प्राविधिक कर्मचारीलाई निमित्तको भरमा काम गरिरहेको बताए ।

पहाडका पालिकाहरूमा दक्ष जनशक्ति नहुँदा अनुगमन लगायत मंूल्याकन प्रणाली गर्नलाई समस्या भइरहेकाले गर्दा बेरुजु बढेको उनको भनाइ छ । प्रदेशमा महालेखापरीक्षकको कार्यालय स्थापन गर्न सकियो भने बेरुजुमा कमी आउन सक्ने उनले बताए । 

कार्यक्रममा गाउँपालिका राष्ट्रिय महासंघ नेपालका कोषाध्यक्ष उमेशप्रसाद भट्ट, महालेखापरीक्षकको कार्यालयका निर्देशक टीकानाथ अर्याल र अख्तियार दुरुपयोग अनुसन्धान आयोग कार्यालय कञ्चनपुरका कार्यालय प्रमुख वेदप्रसाद भण्डारीले प्रस्तुतीकरण गरेका थिए भने कार्यक्रममा कैलाली र कञ्चनपुरका स्थानीय तहका प्रुमख, उप–प्रमुख, प्रमुख प्रशासकीय अधिकृतलगायत कर्मचारीहरूको उपस्थिति रहेको थियो ।