कैलालीमा अटोले ठक्कर दिँदा एक महिलाको मृत्यु

धनगढी । कैलालीमा अटाले ठक्कर दिँदा पैदल यात्री एक महिलाको मृत्यु भएको छ । बुधवार साँझ लम्कीचुहा नगरपालिका–६ स्याउलेमा पश्चिमबाट पूर्व तर्फ जाँदै गरेको अटोले पैदल यात्री स्थानी ५५ वर्षकी लक्ष्मी ढुङ्गानाको मृत्यु भएको हो ।

म १ ह ८५८ नम्बरको अटोको ठक्करबाट गम्भीर घाइते भएकी लक्ष्मीलाई मेडिकल कलेज कोहलपुर लगिएको भए पनि उनको उपचारका क्रममा मृत्यु भएको जिल्ला प्रहरी कार्यालय कैलालीले जनाएको छ ।

अटोको ठक्करबाट लक्ष्मी सँगै पैदल यात्रा गरिरहेकी २२ वर्षीय मिना ढुङ्गाना पनि गम्भीर घाइते भएकी छिन । उनको मेडिकल कलेज कोहलपुरमा उपचार भइरहेको  प्रहरीले जनाएको छ ।

अटो र अटो चालक सोही ठाउँ बस्ने २३ वर्षीय हेमन्त जोशीलाई प्रहरीले नियन्त्रणमा लिएको छ ।