शनिबार, १० साउन २०८२
July 26, 2025
शनिबार, १० साउन २०८२
July 26, 2025
धनगढी । कैलालीमा पानीमा डुबेर बालकको मृत्यु भएको छ । जिल्लाको गौरीगंगा नगरपालिका-९ को शंकरपुरमा पोखरीमा डुबेर ३ वर्षीय कुशल खनालको मृत्यु भएको प्रहरीले जनाएको छ ।
इलाका प्रहरी कार्यालय मालाखेतीका अनुसार शुक्रबार बिहान ११ बजेतिर बुद्धिराज खनालले सञ्चालन गरेको ‘बुद्धिराज एग्रो कृषि फर्म’ को परिसरमा रहेको पानी जम्मा हुने पोखरीमा बालक डुबेका थिए ।
बेहोश अवस्थामा प्रहरीले उद्धार गरेर उपचारका लागि सेती प्रादेशिक अस्पताल पुगाएको थियो । तर चिकित्सकले उनलाई मृत घोषणा गरेका थिए ।
