डडेल्धुरा र धनगढीमा गरिएको परिक्षणमा १० जनामा कोरोना संक्रमण पुष्टी

धनगढी

 पछिल्लो २४ घण्टामा सुदूरपश्चिममा थप १० जनामा कोरोना संक्रमण पुष्टी भएको छ ।

 सेती प्रादेशिक अस्पतालको प्रयोगशालामा ७ र डडेल्धुराअस्पतालमा गरिएको परिक्षणमा ३ गरी १० जनामा संक्रमण पुष्टी भएको हो ।

 सेती अस्पतालमा शनिबार दिउँसो साढे २ बजेसम्म ४ सय ७ जनाको स्वाव परिक्षण परिक्षण गर्दा कञ्चनपुरका ३ र कैलालीका ४ जनामा संक्रमण पुष्टी भएको हो ।

 सेती प्रादेशिक अस्पताल धनगढीका मेडिकल सुपरिटेण्डेण्ट डाक्टर हेमराज पाण्डेद्वारा जारी परिक्षण सम्बन्धी विवरणमा भिमदत्त नगरपालिका कञ्चनपुरका १ पुरुष, कृष्णपुर नगरपालिकाका २ पुरुष तथा कैलालीको जोशीपुरका ४ पुरुषमा संक्रमण पुष्टी भएको हो ।

 यसै गरी शनिबार नै डडेल्धुरा अस्पतालमा सञ्चालित कोरोना परिक्षण प्रयोगशालामा गरिएको ३ सय ७८ जनाको स्वाव परिक्षणमा बझाङको केदार स्यू गाउँपालिकाका ३ पुरुषमा कोरोना संक्रमण पुष्टी भएको अस्पतालले जनाएको छ ।