बैतडी समाजको रक्तदान कार्यक्रम : ९१ जनाले गरे रक्तदान

बैतडी समाज कैलालीको आयोजना र  कैलाली उद्योग वाणिज्य संघ धनगढीको सहकार्यमा १६ औं संस्करणको रक्तदान र खिर खाने कार्यक्रम शनिबार धनगढीमा सम्पन्न भएको छ । 

धनगढीमा अस्पतालहरुमा बिरामीहरुको उपचारका लागि हुने रगतको कमी पुरा गर्न  रक्तदानको आयोजना गरिएको बैतडी समाजका सचिव लोकेश भट्टले बताए । सचिव भट्टका अनुसार सो अवसरमा ९१ जनाले रक्तदान गरेका छन् ।

बैतडी समाजले यसअघि शुक्रवार बिहान धनगढीमा रक्तदान गरौं भन्ने रयाली निकालेको थियो ।

बैतडी समाजका अध्यक्ष माया प्रकाश भट्ट समाजको स्थापनाको बेलामा नै जन्मस्थल बैतडीमा बर्षमा एक पटक  स्वास्थ्य शिविर र कर्मथलो धनगढीमा बर्षमा दुई पटक रक्तदान कार्यक्रमको आयोजना गर्ने निर्णय भएको बताउँछन् ।

सुदुरपश्चिम प्रदेश सरकारले रगतको निःशुल्क गरेयता  रगत प्रदेश सरकारले दिन्छ भन्ने बुझाई बिकास भएकोले रगत दिनु पर्छ भन्ने भावना बिकास गर्न रक्तदान र रयालीको आयोजना गरिएको बताउँछन् ।

सोही अवसरमा शनिबार खिर पनि खुवाईएको थियो ।