धनगढी पोष्ट शुक्रबार, १३ भदौ २०८२   August 29, 2025

बाजुरामा बाढीले एघार घर बगे

बाजुरा ।  बाजुरा जिल्लाको हिमाली गाउँपालिका–१ विच्छ्यामा बुधबार राति आएको  बाढीले एघार घर बगेका छन् । बाढीले

विच्छ्या खोलामा बुधबार राति ७ बजे आएको बाढीले गाउँपालिकाको १, ३ र ५ वडामा ती घरहरु बगाएको हो ।

जिल्ला प्रहरी कार्यालय बाजुराका अनुसार कवाडी खोला हुँदै बग्ने विच्छ्या खोलामा बामबाट आएको बाढीले एघार घर बगाएको छ  । सात घर पूर्ण क्षती र १७ घर पूर्ण जोखिममा रहेको जिल्ला प्रहरी कार्यालय बाजुराका प्रहरी निरिक्षक तथा सूचना अधिकारी देव बहादुर चौधरीले बताए ।

बाढीले सोही गाउँपालिका–१ का नरेन्द्र बहादुर बुढा, छञ्चलाल थापा, धनसिंह थापा, सब्बले थापा, लालबहादुर थापा, सुजलाल थापा, गोवतल थापाको घर पसल र खेतबारीमा क्षति भएको छ ।

खोलामा आएको बाढीले सोही गाउँपालिका–५ का नवराज बुढा, देवीलाल चदारा, विरवल चदारा अजय चदारा, हिउँसरा लवार, अंगविर चदाराको घर बगाएको प्रहरी निरिक्षक चौधरीले बताएका छन् ।