कांग्रेस कैलालीले तोक्यो वन र प्रहरी कार्यालयमा प्रतिनिधि

धनगढी । नेपाली कांग्रेस कैलालीले जनताका काम सहजीकरण गर्नका लागि जिल्ला बन र जिल्ला प्रहरीमा प्रतिनिधि तोकेको छ ।
कैलाली  सभापति नारायणदत्त भट्ट ले पार्टीको तर्फबाट जिल्ला बन र प्रहरी कार्यालय हेर्ने गरि जिम्मेवारी तोकेका हुन । सभापति भट्टले बिहिबार जिल्ला कार्यसमितिका तर्फबाट डिभिजन बन कार्यालय हेर्ने जिम्मेवारी तपेन्द्र भुषाल र जिल्ला प्रहरी कार्यालय हेर्ने जिम्मेवारी रोशन सिहलाई तोकेका छन । पार्टीको तर्फबाट जिम्मेवारी तोकिएको प्रतिनिधिले सम्बन्धित कार्यालयबाट प्रवाह हुने सेवाका सवालमा नागरिकहरुलाई सहजीकरण गर्ने छन् । सभापति भट्टले भने ‘जिल्लाभरबाट पार्टीका सदस्यहरुले बन र प्रहरी हेर्ने गरि प्रतिनिधि तोक्न माग गर्नु भएकोले अहिले तत्काल दुई वटा कार्यालयमा प्रतिनिधि पठाएको छु ।’ सभापति भट्टले पार्टीका पदाधिकारीको छलफल पछि अन्य कार्यालयमा समेत प्रतिनिधि तोकिने बताए  ।