सृजनशील सहकारीद्धारा बजार प्रतिनिधिहरुको क्षमता अभिबृद्धि तालिम सचालन

धनगढी । सृजनशील बचततथा ऋण सहकारी संस्थाले आयोजना गरेको बजार प्रतिनिधिहरुको क्षमता अभिबृद्धि तालिम शनिबार धनगढीमा सम्पन्न भएको छ । दुई दिनसम्म संचालन भएको उक्त तालिममा सहकारीका दश वटै शखा अन्तर्गतका ४५ जना बजार प्रतिनिधिहरुको सहभागिता रहेको थियो ।

सहकारी र सदस्यहरुको सम्वन्धबारे बजार प्रतिनिधहरुको बुझाई बढाई  सहकारीका बारेमा अझै बुझाउन सक्ने क्षमता बिकास गर्न तालिमको आयोजना गएिको सहकारीका  प्रमुख कार्यकारी अधिकृत मदन राज भट्टले बताए । भट्टका अनुसार  सदस्यहरुसँग दैनिक  सम्पर्कमा बजार प्रतिनिधि नै रहने भएकाले पनि उनीहरुको क्षमता बिकास गर्न तालिम संचालन गरिएके हो ।

सो अवसरमा सुदुरपश्चिम प्रदेश सहकारी रजिष्टार कार्यालयका अधिकृत बिनोद राज पन्तले सृजनशील सहकारीले राम्रो गरिरहेको बताउँदै काम गर्ने सन्दर्भमा देखा परेका कमजोरी हटाएर  अघि बढ्न सुझाव दिए ।

संगम बचत तथा ऋण सहकारी संस्थाका अध्यक्ष मनमोहन बिष्टले सहकारी सदस्य केन्द्रित संस्था भएकोले सबै खालका व्यक्तिहरु सदस्य हुने बताउदै श्रोतसँग हित मिल्नेलाई मात्र सदस्य बनाउनु पर्ने बताए ।

राष्टिय सहकारी बैंकका सुदुर पश्चिम प्रदेश प्रमुख दिनेश गेलालले निरन्तर सिक्दै सहकारीलाई अघि बढाउनु पर्ने बताए । 

सहकारीका अध्यक्ष शिवराज भट्टको अध्यक्षतामा भएको समापन कार्यक्रमको संचालन सहकारीका प्रमुख कार्यकारी अधिकृत मदनराज भट्टले गरेका थिए । तालिमको सहजीकरण राष्टिय सहकारी बैंकका सुदुर पश्चिम प्रदेश प्रमुख दिनेश गेलालले गरेका थिए ।

सृजनशील बता तथा ऋण सहकारी संस्था लि. कन्चनपुरको झलारीमा केन्द्रिय कार्यालय रहेको सुदुरपश्चिमकै अब्बल सहकारी हो ।