गेटा आखा अस्पतालद्धारा पहलमानपुरमा संचालित शिवरमा ४४२ जनाले लिए सेवा

धनगढी । कैलालीको घोडाघोडी नगरपालिका वार्ड नम्बर १० पहलमानपुरमा नेपाल नेत्रज्योति संघ, गेटा आँखा अस्पतालद्धारा आखा शिविरमा ४ शय ४२ जनाले निःशुल्क आखा उपचार सेवा लिएका छन् ।

रुइत फाउण्डेशनका सहयोगमा वडा कार्यालयको समेत सभागितामा संचालिन शिविरमा आखा उपचार सेवा लिएका मध्य ६२ जनाको मोतीबिन्दुको निःशुल्क अप्रेसनको लागि गेटा आखा अस्पताल पठाइएको गेटा आखा अस्पतालका बाह्य कार्यक्रम व्यवस्थापक रमेश चन्द्र भट्टले बताए ।

बाह्य कार्यक्रम व्यवस्थापक भट्टका अनुसार चश्माको आवश्यकता भएका १ शय १३ जनालाई  शिविरमा नै विशेष छूटमा ११३ जनालाई चश्मा उपलब्ध गराईएको छ ।

गेटा आखा अस्पतालले आर्थिक अभाव तथा सेवा लिन अस्पताल आउन नसकी शिविरको पर्खाईमा रहेका बिरामीहरु उक्त क्षेत्रहरुमा शिविर संचालन गर्दै आएको छ ।

गेटा आँखा अस्पतालका बरिष्ठ नेत्र अधिकृत रमेश चन्द्र भट्टको नेतृत्वमा संचालित उक्त शिविरमा गेटा आँखा अस्पतालका १० जना प्राविधिकहरुको टोलीले सेवा प्रदान गरेका थिए ।

सुदुरपश्चिम प्रदेशमा अन्धोपन न्यूनीकरण गर्न गेटा आँखा अस्पतालले प्रत्येक वर्ष अस्पताल तथा यस अन्तरगत प्रदेशका ९ वटै जिल्लामा संचालित २९ वटा शाखाहरुबाट उपलब्ध गराईने नियमित उपचार सेवाको अतिरिक्त विभिन्न सरकारी तथा गैर सरकारी सामाजिक संस्थाहरुबाट सहयोग जुटाई प्रदेशका ९ वटै जिल्लाका ग्रामीण क्षेत्रमा आँखा उपचार सेवाको पहूँच बढाउन वर्षमा ५० भन्दा बढी स्थानमा आँखा शिविर संचालन गर्दै सेवा पुर्याई रहेको छ ।