सोमबार, १६ भदौ २०८२
September 1, 2025
सोमबार, १६ भदौ २०८२
September 1, 2025
धनगढी । नेपाल प्रधानाध्यापक संघ कैलालीको आयोजनामा सामुदायिक विद्यालयलाई समतामुलक र समान शिक्षाको सशक्तिकरण बिषयक प्रधाानाध्याकपहरुको कैलाली जिल्ला शिक्षा सम्मेलन शनिबार धनगढीमा सम्पन्न भएको छ ।
सम्मेलनमा जिल्लाभरिका सामुदायिक बिद्यालयका प्रधानाध्यापकहरुको सहभागिता रहेको थियो ।
सो अवसरमा सुदुरपश्चिम प्रदेशकी सामाजिक बिकास राज्यमन्त्री सरस्वती खड्काले शिक्षाको गुणस्तर सुधार्न सरकार, शिक्षक, बिद्यालय परिवार र अभिभावकहरुको एकीकृत प्रयास आवश्यक रहेको बताइन् ।
बिद्यालय सुधारका लागि राम्रो योजना आवश्यक रहेको बताउँदै राज्यमन्त्री खड्काले त्यसैका आधारमा बजेट बिनयोजनामा आफुले जोड दिने बताइ्न् ।
जिल्ला शिक्षा समन्वय इकाई कैलालीका प्रमुख इश्वरी प्रसाद ज्ञवालीले बिभिन्न कठिनाई झेल्दै बिद्यालयमा आइपुगेका बालबालिकाहरुका लागि अनुकुल वातावरण निर्माण गर्न सकेमा बिद्यार्थीहरु सिकाईमा केद्रित हुने बताए । ‘हरेक बालबालिका जन्मदै फर कक्षमता लिएर आएका हुन्छन् ।’ ज्ञवालीले भने ‘ती क्षमताको पहिचान गरेर तिनका बाधाहरु हटाउने कार्य बिद्यालयले गर्नुपर्छ ।’
बिद्यालयमा बिद्यार्थीहरु पास हुनु न्युनतम कुरा भएको उल्लेख गर्दै जिल्ला शिक्षा समन्वय इकाईका प्रमुख ज्ञवालीले बिद्यार्थीहरुलाई पास हुने, असल गुणको बिकास गर्ने र सीप सिकाउने उदेश्यले बिद्यालयमा काम गरिनु पर्ने बताए ।
नेपाल प्रधानाध्यापक संघका सुदुरपश्चिम प्रदेश अध्यक्ष लक्ष्मणदत्त भट्टले सामुदायिक बिद्यालयको गुणस्तर सुधार्न छलफलबाट निष्कर्षमा पुग्न कार्यक्रमको आयोजना गरिएको बताए ।
सो अवसरमा सुदुरपश्चिम बिश्वबिद्यालयका शिक्षा संकायका डिन डा. भवान सिंह चलाउने, जिल्ला समन्वय समिति कैलालीका प्रमुख टीका चौधरी भुल, त्रिनगर माध्यमिक बिद्यालय व्यवस्थापन समितिका अध्यक्ष एवम कैलाली बहुमुखी क्याम्पसका पुर्व प्रमुख प्रा. सुरेन्द्र चन्द, पञ्चोदय माविका पुर्व प्रअ पदम सिंह कुवर, दिपेन्द्र मावि हसुलियाका प्रअ बिनोद भट्टराईले सामुदायिक बिद्यालय सुधारका लागि भएका र अब गर्नु पर्ने कार्यका बारेमा प्रकाश पारेका थिए । प्यानल छलफलको सहजीकरण धनगढी उपमहानगरपालिकाका बिज्ञ श्रोत शिक्षक गणेशराज भट्टले गरेका थिए ।
नेपाल प्रधानाध्यापक संघ कैलालीका अध्यक्ष तर्कराज जोशीको अध्यक्षतामा भएको उक्त कार्यक्रमको संचालन सचिव पदम राज जोशीले गरेका थिए ।
