कञ्चनपुरबाट भारतीय नक्कली नोट बोकेका तीन भारतीय नागरिक गाडी सहित पक्राउ

धनगढी । कञ्चनपुरमा एक सय ४७ वटा नक्कली नोटसहित तीन जना भारतीय नागरिक गाडी सहित पक्राउ परेका छन् । भारतीय नागरिक संगै दुई जना नेपालीलाई समेत पक्राउ गरिएको जिल्ला प्रहरी कार्यालय कञ्चनपुरले जनाएको छ ।

जिल्ला प्रहरी कार्यालय, कञ्चनपुरले युपी १४ बिएच २०७३ नम्बरको गाडीमा चेकजाँच गर्दा पाँच सयका एक सय ४७ भारतीय नोटहरू फेला पारेको बताएको छ । इलाका प्रहरी कार्यालय, झलारीको टोलीले शुक्लाफाँटा नगरपालिका–३ जोनपुरमा रहेको नेपाली सेनाको श्री रणसिंह सुरक्षा गण पोेष्टबाट भारतीय नम्बर प्लेटको गाडी चेकजाँच गर्दा नक्कली नोट फोला पारेको हो । भारतीय तीन नागरिकसहित पाँच जना र एक लाख १७ हजार छ सय नेपाली रुपैयाँ र भारतीय नम्बर प्लेटको गाडी प्रहरीले नियन्त्रणमा लिएको हो ।

पक्रउ पर्नेमा भारतको बरेली तेसिलमिगञ्ज ग्रामका २५ वर्षीय कुलदिप चतुर्बेदी, भारत बरेली फटितेगञ्जका २० वर्षीय अमित यादव र भारतको बरेली उदमसिंहनगर उत्तरखण्डका २४ वर्षीय हिंमासु शर्मा रहेका छन् । उनिहरुसंगै कञ्चनपुरको शुक्लाफाँटा नगरपालिका–१ वन्साहका ३२ वर्षीय गौगातबहादुर सिंह, सोही ठाउँका २४ वर्षीय चन्द्र बोहरालाई पनि नियन्त्रणमा लगिएको प्रहरीले जनाएको छ ।