सेनाको निगरानीमा सिल गरिएको नेपालगन्ज दिनभर सुनसान

धनगढी

 नेपालगन्ज समुदायस्तरमा कोरोना फैलिएपछि सेनोका परिचालन गरेर सिल गरिएको नेपालगन्ज दिनभरि सुनसान छ । बजारम ठाउँठाउँमा नेपाली सेना, सशस्त्र प्रहरी र जनपद प्रहरीको उपस्थिति मात्र देखिएको छ । नेपालगन्जका चोक र चौराहमा बिहनैदेखि काँडेतार लगाइएका छन् । सुर्खेत रोडलाई बाहिर पारेर सील गरिको क्षेत्रमा नेपाली सेनालाई परिचालन गर्नुका साथै सशस्त्र प्रहरी र नेपाल प्रहरीलाई पनि खटाईएको छ ।

 बाँकेका प्रमुख जिल्ला अधिकारी राम बहादुर कुरुम्वांगले समुदायस्तरमा कोरोना संक्रमण फैलिने क्रम नरोकिएकोले नेपाली सेनाको अगुवाईमा सवै सुरक्षा संयन्त्र परिचालन गरिएको बताए । सिलको अवधिमा सबै गतिविधि रोकिएकोले बाहिर ननिस्केर सहयोग गर्न प्रजिअ कुरुम्वांगले आग्रह गरे । पुष्पलाल चोकदेखि गणेशमान चोक, गणेशमान चोकबाट चारबाहिनी चोक, पिपलचौतारा हुँदै बाँकेगाँउ, बाँकेगाँउबाट रिङरोड, आर्मी ब्यारेक हुँदै नहरपुरुवा चोकसम्म र नहरपुरुवा चोकदेखी बसपार्क हुँदै पुष्पलाल चोकसम्मको चार किल्लामा सिल गरिएको ।

 साउन २५ गते शुरु भएको सिल साउन २७ गते राति १२ बजेसम्म कायम रहने प्रमुख जिल्ला अधिकारी राम बहादुर कुरुम्वांगले बताए ।