औषधी व्यवसायीहरु आन्दोलनमा :  दुई घण्टा औषधी पसल बन्द

धनगढी । सरकारले गरेको औषधी पसल नवीरकणको  नया व्यवस्थाको खारेजको माग गर्दै औषधी व्यवसायीहरु आन्दोलनमा उत्रिएका छन् । औषधी व्यवसयायीहरुले सोमबार  कैलालीमा दुई घण्टा औषधी पसलहरु बन्द गरेका छन् ।

अइतबार एक घण्टा पसल बन्द गरेका औषधी व्यवसायीहरुले सोमबार दुई घण्टा (११ देखि १ बजेसम्म) पसल बन्द गरेका हुन् । यसअघि आइतबार औषधी व्यवसायीहरुले ११ बदेखि १ बजेसम्म  पसल बन्द गरेका थिए ।

नेपाल औषधी व्यवसायी संघ कैलालीका अध्यक्ष प्रेम राज बुढाक्षेत्री  सरकारले औषधी व्यवसायीलाई करोवारबाट बिस्थापिथ गर्ने गरि ऐन संशोधन गरेकोले आन्दोलन गरेका बताउँछन् ।  ‘औषधी ऐनको उपाधारा ५ संशोधन गरेर सरकारले आर्थिक बर्ष सकिएको ३१ औं दिनमा औषधी व्यवस्था बिभागमा नवीकरण गर्न गयौ भने  हाम्रो फर्म नवीकरण नहुने, स्वतः रद्ध हुने अहिले नयाँ व्यवस्था गरिएको छ ।’ अध्यक्ष बुढाक्षेत्रीले भने    ‘हामी औषधी व्यवसायी मात्र हैन, कसैको लागि पनि यो राम्रो हैन । बरु दस्तुर बढाओस् । तर खारेज नै  हुने गलत काम व्यवस्था गरिएको छ ।’

व्यवसाय गर्न अप्ठेरो पार्ने गरि ऐन संशोधन गरिएकोले आन्दोलनमा उत्रिनु परेको अध्यक्ष बुढाक्षेत्रीले बताए ।

औषधी व्यवसाय ऐन २०३५  संशोधन गरी दफा ११ को ३ र ५  मा म्याद सकिएको दिन देखि नै व्यवसाय नविकरण गर्दा शत् प्रतिशत जरिवाना लाग्ने र म्याद सकिएको  ३० दिन भित्र नविकरण नगरे व्यवसाय नै खारेज हुने प्रावधान राखिएको छ  ।

औषधी व्यवसायी संघ,  नेपाल पशुपंक्षी औष्धी व्यवसायी संघ र  नेपाल आयुर्वेद औषधी व्यवसायी संघ सरकारले गरेको नया व्यवस्थाको खारेजीको माग गर्दै आन्दोलनमा उत्रिएका छन् । उनीहरूले दफा ३ संशोधन गर्न र दफा ५ को व्यवस्था खारेज गर्न माग गरेका छन् । दफा ३ मा संशोधन गरी म्याद सकिएको ३० दिन भित्र नवीकरण गरे जरिवाना नलाग्ने र ९० दिन भित्र जरिवाना तिरेर नवीकरण गर्न पाउने व्यवस्था गर्न व्यवसायीहरूले माग गरेका छन् । 

औषधी व्यवसायी संघका केन्द्रिय सदस्य गया प्रसाद कुश्मी  औषधी व्यवसयासँग औषधी नरहेर धेरै क्षेत्रसँग जोडिएको र व्यवसायीलाई  अप्ठेरो पार्ने गरि गरिएको कानुनी व्यवस्था  खारेज नगरिए आन्दोलन सशक्त बनाएर लैजाने बताउँछन् ।

केन्द्रिय सदस्य कुश्मी हरेक दिन  पसल बन्दको समय बढाउँदै लैजाने सहितका आन्दोलनका थप कार्यक्रम गर्न  औषधी व्यवसायीहरु बाध्य हुने बताउँछन् ।