डेरी एशोसिएसनद्धारा खिर दिवस मनाइयो

धनगढी । नेपाल डेरी एशोसिएन सुदुरपश्चिम समितिले बिहीवार धनगढीम खिर दिवसको शुभकामना आयोजना गरेको छ । स्वास्थ्यका लागि खिर निकै लाभदायक भएका कारण खिर दिवस मनाउने गरिएको डेरी एशोसिएसनका सुदुरपचिम प्रदेश अध्यक्ष भुपेन्द्र थापाले बताए ।

दुध, दही सहितका दुधजन्य पद्धार्थले विभिन्न रोग प्रतिरोधात्मक क्षमता बिकास गर्ने बताउँदै अध्यक्ष थापाले दुधजन्य पद्धार्थको उपभोगका जोड दिन आवश्यक रहेको बताए ।  

प्रदेश सभा सदस्य धर्मराज पाठकले नेपाली समाजमा रहेका खानपीनका परम्पराहरु स्वास्थ्यसँग पनि जोडिएको बताउँदै खिर पनि स्वास्थ्यका लागि लाभदायक रहेको बताए ।

कार्यक्रम संचालन हर्क बहादुर चन्दले गरेका थिए ।

सो अवसरमा डेरी व्यवसायीहरु। सरकारी कार्यालय प्रमुखरु र सामािजक व्यक्तित्वहरुको सहभागिता रहेको थियो ।

साउन १५ गते खिर दिवस मनाइन्छ । साउन १५ गते ्डेरी व्यवसायीहरु व्यस्त रहने भएकाले एक दिन अघि खिर दिवस मनाइएको हो ।