ह्युमपाइप राख्न खनेको खाल्डोमा डुबेर दुई बालकको मृत्यु

धनगढी

 ह्युमपाइप राख्न खेनेको खाल्डोमा परेर बैतडीमा दुई बालकको मृत्यू भएको छ ।

 द्यशरथ चन्द नगरपालिका– २ देहीमाण्डौं–गिरेगडा सडकखण्डमा पर्ने सुन्दरखालीमा होम पाइप राख्नका लागि बनाइएको खाल्डोमा १४ बर्षे अंकित लाबड र ११ बर्षे सन्दीप लावडको मृत्यु भएको प्रहरीले जनाएको छ । खाल्डोमा वर्षातको पानी जम्मा भएको र खेल्ने क्रममा सोमबार दिउँसो साढे चार बजे तिर खाल्डोमा डुबेर दुवै जनाको ज्यान गएको जिल्ला प्रहरी कार्यालय बैतडीले जनाएको छ ।

 खेल्नका लागि सडकमा जम्मा भएका ५/६ जना मध्ये एकजना पहिला खाल्डोमा गएको र उसलाई निकाल्न अर्कोले पनि हाम फाल्दा दुवै जना खाल्डोमा डुबेको जिल्ला प्रहरी कार्यालयका प्रमुख प्रहरी नायव उपरीक्षक नारायणप्रसाद अधिकारीले बताए ।