शिखर नगरपालिकामा एकै दिन थपिए ४५ कोरोना संक्रमित, संक्रमित सबै भारतबाट आएकाहरु

धनगढी

  डोटीको शिखर नगरपालिकामा एकै दिन ४५ जनामा कोरोना संक्रमण पुष्टि भएको छ । यससँगै शिखर नगरपालिकामा कोरोना संक्रमितको संख्या २ शय ३७ पुगेको छ ।

   डडेल्धुरा अस्पतालमा गरिएको परिक्षणमा शिखर नगरपालिकाका ४५ जना र दिपायल सिलगढी नगरपालिकाका १ जनामा कोरोना संक्रमण भेटिएको हो ।

  जिल्लाको शिखर नगरपालिका वडा नम्वर १० का १६ जना, वडा नम्वर ९ का १४, वडा नम्वर ७ का १३ र वडा नम्वर १ का २ तथा दिपायल सिलगढी नगरपालिका वडा नम्वर ८ का १ जनामा संक्रमण पुष्टि भएको उनले बताए । यसअघि शिखर नगरपालिकामा कोरोना संक्रमण देखापरेका सबै निको भएर घर गइसकेका छन् ।

  अस्पतालका प्रयोगशाला इन्चार्ज ईश्वरी प्रशाद भुषालका अनुसार शिखर नगरपालिका वडा नम्वर १० का १६ जना, वडा नम्वर ९ का १४, वडा नम्वर ७ का १३ र वडा नम्वर १ का २ तथा दिपायल सिलगढी नगरपालिका वडा नम्वर ८ का १ जनामा संक्रमण पुष्टि भएको हो ।

शिखर नगरपालिकाका स्वास्थ्य शाखा प्रमुख हरिश्चन्द्र शाहका अनुसार संक्रमित  सबै भारतबाट आएकाहरु हुन् ।  वडाहरुका क्वारेन्टिनमा रहेका  ४ शय ८ जना  मध्य कोरोना परिक्षणका लागि पठाइएका १ शय ९० जना मध्य उनीहरुमा संक्रमण देखा परेको हो ।

 संक्रमित सबैलाई आइसोलेसनमा राखेर उपचार अघि बढाइने शाहले बताए ।