तीन प्रयोगशालामा गरिएको परिक्षणमा सुदूरपश्चिमका ९३ जनामा कोरोना पुष्टी

धनगढी

 सुदूरपशिचम प्रदेशमा पछिल्लो २४ घण्टाको अवधीमा ९३ जनामा कोरोना संक्रमण पुष्टी भएको छ ।

 सेती प्रादेशिक अस्पताल, डडेल्धुरा अस्पताल र डोटी अस्पतालमा गरिएको ९ सय ८५ स्वाव परिक्षणमा ९३ जनामा कोरोना संक्रमण पुष्टी भएको हो ।

 डडेलधुरा अस्पतालमा गरिएको कोरोना परिक्षणमा सुदुरपश्चिमका थप ५६ जनामा कोरोना संक्रमण पुष्टी भएको छ ।

 पछिल्लो २४ घण्टाको अवधीमा डडेल्धुरा अस्पतालमा गरिएको परिक्षणमा ५ सय २९ स्वाव परिक्षणमा ५६ जनामा संक्रमण पुष्टी भएको अस्पतालका इन्चार्ज इश्वरी प्रभास भूषालले बताए ।

 उनका अनसार शुक्रबार संक्रमण पुष्टी हुनेमा साँफेबगर नगरपालिका अछामका २५ जना, पञ्चदेवल विनायक नगरपालिकाका १०, मेल्लेख गाउँपालिकाका १, डोटीको शिखर नगरपालिकाका १३, केआइसिं गाउँपालिकाका २ र जोरायल गाउँपालिकाका १ जनामा संक्रमण पुष्टी भएको छ ।

 शुक्रबारनै डडेलधुरा अस्पतालमा गरिएको परिक्षणमा नवदुर्गा गाउँपालिका डडेल्धुराका २ र सिगास गाउँपालिका बैतडीका २ जनामा पनि कोरोना संक्रमण पुष्टी भएको छ ।

 यसैगरी शुक्रबार नै सेती प्रादेशिक अस्पताल धनगढीमा गरिएको ४ सय २६ स्वाव परिक्षणमा अछाम र कैलालीका गरी ३६ जनामा कोरोना संक्रमण पुष्टी भएको हो ।

 अस्पतालका सूचना अधिकारी दिलिप कुमार श्रेष्ठका अनुसार २४ घण्टाको अवधीमा कोरोना संक्रमण पुष्टी हुनेमा धनगढी १४ महिला र १६ पुरुष गरी ३० जना, गोदावरी नगरपालिकाका ४ पुरुष र अछामको बान्नीगढी जयगढ नगरपालिकाका एक महिला र एक पुरुष गरी २ जनामा संक्रमण पुष्टी भएको हो ।

 यसै गरी डोटी अस्पतालमा गरिएको कोरोना परिषणमा १ जनामा कोरोना संक्रमण पुष्टी भएको छ । जिल्ला अस्पताल डोटीका कोरोना फोकल पर्सन उत्तम उपाध्यायका अनुसार डोटी अस्पतालमा ३० जनाको स्वाव परिक्षण गरिएकोमा पूर्विचौकी गाउँपालिका डोटीका ३५ बर्षे पुरुषमा कोरोना संक्रमण पुस्टी भएको हो ।