कैलालीका थप १३ जनामा कोरोना पुष्टी

धनगढी

 पछिल्लो २४ घण्टाको अवधीमा कैलालीमा थप १३ जनामा कोरोना संक्रमण पुष्टी भएको छ ।

 धनगढी स्थित सेती प्रादेशिक अस्पतालको कोरोना परिक्षण प्रयोगशालामा गरिएको ९ सय १ स्वाव परिक्षणमा कैलालीका ४ महिला र ९ पुरुषमा कोरोना संक्रमण पुष्टी भएको अस्पतालले जनाएको छ ।

 सेती प्रादेशिक अस्पतालका सूचना अधिकारी दिलिप कुमार श्रेष्ठका अनुसार पछिल्लो २४ घण्टाको अवधीमा कैलालीको लम्किचुहा नगरपलिकाका ३ महिला र ४ पुरुष, कैलारी गाउँपालिकाका वडा नम्बर ६ का ३ पुरुष, धनगढी उप–महानगरपालिका–१ की १ महिला र भजनी नगरपालिकाका १ जना पुरुषमा संक्रमण पुष्टी भएको छ ।