धनगढीमा  ट्राभल हिस्ट्री नभएका कोरोना संक्रमित २० जना

धनगढी

   धनगढी उपमहानगरपालिकामा टाभल हिस्ट्री नभएका कोरोना संक्रमितहरुको संख्या २० पुगेको छ । शनिबार मात्र धनगढीम २ जना थपिएपछि  ट्राभल हिस्ट्री नभएका  संक्रमितको संख्या २० पुगेको  धनगढी उपमहानगरपालिकाका स्वास्थ्य निरीक्षक लक्ष्मी राज उपाध्यायले बताए ।

   सेती प्रयोगशालामा गरिएको परिक्षणमा धनगढी वडा नम्बर १ का संस्थागत बिद्यालयका संचालक १ जना र धनगढी वडा नम्बर ५ को संस्थागत बिद्यालयकी १ शिक्षिकामा कोरोना संक्रमण पुष्टि भएको थियो । उनीहरु दुवैको देश बाहिरको ट्राभल हिस्ट्री छैन ।

   यसअघि शुक्रवार ट्राभल हिस्ट्री नभएका धनगढी वडा नम्बर ४ का १ जना व्यवसायी र धनगढी १४ की एक स्वास्थ्य कर्मचारीमा समेत कोरोना संक्रमण पुष्टि भएको थियो ।

  धनगढी उपमहानगरपालिकामा कोरोना संक्रमितको संख्या १ शय ७६ पुगेको छ । स्वास्थ्य निरीक्षक उपाध्यायका अनुसार अहिलेसम्म धनगढी उपमहानगरपालिकामा १ शय ७६ जनामा कोरोना संक्रमण भएको छ जसमध्य ३६ जना एक्टिभ कोरोना संक्रमित रहेका छन् ।