सुदूरपश्चिममा थप ३३ जनामा कोरोना संक्रमण

धनगढी

सुदूरपश्चिममा आइतबार थप ३३ जनामा कोरोना संक्रमण पुष्टी भएको छ ।

 डडेल्धुरा अस्पतालमा गरिएको ४ सय २० जनाको स्वाव परिक्षण मध्य ३३ जनामा कोरोना संक्रमण पुष्टी भएको अस्पतालले जनाएको छ ।

 अस्पतालका इन्चार्ज इश्वरी प्रसाद भूषालका अनुसार आइतबार डडेल्धुरा अस्पतालमा गरिएको परिक्षणमा सवैभन्दा बढी अछामका २३ जना रहेका छन् । उनका अनुसार अछामको मंगलशैन नगरपालिकाका १७ र पञ्चदेवल विनाय गाउँपालिकाका ६ जनामा संक्रमण पुष्टी भएको छ ।

 यसै गरी डडेल्धुराको गन्यापधुरा र अजयमेरु गाउँपालिकाका १÷१ गरी दुई जना, बझाङको केदारस्यू गाउँपालिकाका २ र बुङ्गल नगरपालिकाका १ गरी ३ जना, दार्चुलाको मालिकार्जुन नगरपालिकाका १ जना र बैतडीको पाटन नगरपालिकाका २, सर्नुयाँ गाउँपालिकाका १ जना संगै जिल्ला अस्पताल बैतडीमा कार्यरत १ जनामा संक्रमण पुष्टी भएको अस्पतालका इन्चार्ज भूषालले बताए ।