बैतडीमा एक साता निषेधाज्ञा

धनगढी

 सुदूरपश्चिम प्रदेशको बैतडी जिल्लामा सोमबार राती १२ बजे दखी १ साता सम्मका लागि निषेधाज्ञा लगउने निर्णय भएको छ ।

 आइतबार सम्पन्न कोभिड –१९ जिल्ला स्तरिय समन्वय समितिको बैठकले भदौ ८ गते राती १२ बजे देखी १४ गते सम्मका लागि निषेधाज्ञा जारी गर्ने निर्णय गरेको प्रमुख जिल्ला अधिकारी मोहन राज जोशीले बताए । 

 चाडपर्वका वेला मानिसहरु एक आपसमा जम्मा भइ सामुहिक कार्य गर्ने र त्यसले कोरोना संक्रमणमको जोखिम उच्च हुनेभएका कारण एक साताका लागि जिल्लामा निषेधाज्ञा जारी गरिएको प्रजिअ जोशीले बताए । निषेधाज्ञा जारी भएको समयमा तोकेको काम बाहेक सबै प्रकारका सामुहिक क्रियाकलाप र आवतजावत बन्द हुने उनले बताए ।

 तर खाद्यान्न, तरकारी, माछा, मासु, लगायत खाद्य सामाग्री बिक्रिवितरणका लागि भने बिहान ६ देखी ९ बजे सम्म बजार खुला गरिने प्रमुख जिल्ला अधिकारी जोशीले बताए ।