डडेल्धुरा अस्पतालको परिक्षणमा ५० जनामा कोरोना संक्रमण पुष्टि

धनगढी

 डडेल्धुरा अस्पतालमा गरिएको कोरोना परिक्षणमा सुदुरपश्चिमका ५० जनामा कोरोना संक्रमण पुष्टि भएको छ । पछिल्लो २४ घण्टामा गरिएको परिक्षणमा कैलालीका १५ जना, डडेल्धुराका २ जना, अछामका १७ जना, कन्चनपुरका ८ जना र बझाङका ८ जनामा कोरोना संक्रमण पुष्टि भएको डडेल्धुरा अस्पतालले जनाएको छ ।

  परिक्षणमा डडेल्धुराको अमरगढी नगरपालिकाका २ जना, अछामको बान्नीगढी जयगढ गाउँपालिकाका १७ जना, कन्चनपुरको शुक्लाफाटा नगरपालिकाका ८ जनामा कोरोना संक्रमण पुष्टि भएको अस्पतालले जनाएको छ ।

त्यस्तै बझाङको छब्बीस  पाथीभरा गाउपालिकाका ६ जना र दुर्गाथली गाउपालिकाका २ जना, कैलालीको बर्दगोरिया गाउपालिकाका ४ जना, घोडाघोडी नगरपालिकाका ७ जना र जानकी गाउपालिकाका ४ जनामा कोरोना पुष्टि भएको छ