मेयर मलासीलाई काठमाण्डौ लगियो

धनगढी

  दिपायल सिलगढी नगरपालिकाकी प्रमुख मन्जु मलासीको स्वास्थ्यमा समस्या देखिएपछि उपचारका लागि काठमण्डौं लगिएको  छ । नगरप्रमुख मलासीलाई शुक्रवार बिहान नेपाली सेनाको हेलिकोप्टरबाट काठमाण्डौं लगिएको हो ।

 स्वास्थ्यमा समस्या देखिएपछि घरमा आराम गरिरहेकी नगर प्रमुख मलासीको स्वास्थ्यमा बिहीवार राति श्वासप्रश्वासमा  समस्या  बढेपछि  काठमाण्डौ लगिएको हो ।

  भारतबाट आएका नेपालीलाई क्वारेन्टिनमा राख्ने र क्वारेन्टिन व्यवस्थापन सहितका काममा सक्रिय रहेकी नगर प्रमुख मलासी  स्वास्थ्यमा समस्या देखिएपछि घरमै आराम गरिरहेकी थिइन् ।