देशभर थप ९२७ जनामा कोरोना संक्रमण, उपत्यकामा ४१५

धनगढी

    शुक्रबार देशभर थप  ९ सय २७ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार १० हजार २ सय २९ वटा स्वाब परीक्षण हुँदा ९ सय २७ जनामा कोरोना संक्रमण पुष्टि भएको हो ।

 यो संगै नेपालमा कोरोना संक्रमितको कुल संख्या ३६ हजार ४ सय ५६ पुगेको छ ।  पछिल्लो २४ घण्टामा काठमाडौं उपत्यकामा ४ सय १५ जनामा कोरोना संक्रमण देखिएको छ ।

 स्वास्थ्य तथा जनसंख्या मन्त्रालयका अनुसार काठमाडौं जिल्लामा ३ सय ५०, भक्तपुरमा ५४ र ललितपुरमा ११ जना संक्रमित भेटिएका छन् । शुक्रबारसम्म निको हुनेको संख्या २० हजार २ सय ४२ जना रहेको छ ।  हाल १६ हजार १९ जना आइसोलेसनमा छन् ।