देशभर थप ८८४ जनामा कोरोना पुष्टि

काठमाडौँ

  नेपालमा शनिवार थप ८ सय ८४ जनामा कोरोना भाइरसको संक्रमण पुष्टि भएको छ । यस सँगै नेपालमा कोरोना संक्रमितको कुल संख्या ३७ हजार ३ सय ४० पुगेको  छ ।

  स्वास्थ्य मन्त्रालयका अनुसार शनिबार ३ सय १३ जना कोरोना संक्रमित डिस्चार्ज भएका छन् । यस सँगै हालसम्म डिस्चार्ज हुनेको संख्या २० जार ५ सय ५५ पुगेको छ ।

  पछिल्लो २४ घण्टामा १० हजार ९ सय ७१ पीसीआर परीक्षण गरिएको स्वास्थ्य मन्त्रालयले जनाएको छ । हालसम्म ६ लाख ६९ हजार ६ सय २६ पीसीआर परीक्षण भएको छ । हाल सक्रिय संक्रमित १६ हजार ५ सय ७८ रहेको छ भने क्वारेन्टिनमा  ८ हजार ३५ जना रहेका छन् ।

 यस्तै काठमाडौँ उपत्यकामा थप १ सय ८६ जनामा कोरोना पुष्टि भएको छ । काठमाडौँ १ सय ५५, भक्तपुर १२, ललितपुर १९ जनामा कोरोना संक्रमण देखिएको स्वास्थ्य मन्त्रालयले जनाएको छ ।