सात सय सञ्चारकर्मीलाई भण्डारीले दिए स्वास्थ्य– सौन्दर्य सामाग्री

काठमाडौ

   हरिप्रिया प्रकाश फाउन्डेसनले उपत्यकामा रहेका सात सय संचारकर्मीलाई स्वास्थ्य र सौन्दर्य सामाग्री प्रदान गरेको छ ।

     सामाजिक दुरी सहितको भलाकुसारी गर्दै नेपाल पत्रकार महासंघ र नेपाल प्रेस युनियनमा आवद्ध  उपत्यकाका सात सय सञ्चारकर्मीलाई स्वास्थ्य र सौन्दर्य सामाग्री सहित मायाको कोसेली प्रदान गरेको फाउन्डेसनका क्षितिज भण्डारीले जानकारी दिए ।

    ललितपुर र भक्तपुरपछि काठमाडौमा नेपाल प्रेस युनियन केन्द्रीय समिति मार्फत फ्रन्टलाईनका पत्रकारलाई नेपाली कांग्रेसका वरिष्ठ नेता रामचन्द्र पौडेलले स्वास्थ्य र     सौन्दर्य सामाग्री हस्तान्तरण गरे ।

      नेपाल प्रेस युनियनले केन्द्रीय कार्यालयमा केही थान पिपिई, एन ९५ मास्क, फेस सिल्ड, डाबर मन्जन, लिरिल साबुन तेल सहित ५ सय वटा नर्मल मास्क, ५ सय डाबर नेपालको जुस, ५ सय हिमालयको फेसवास, २५ सय नवरत्न तेल र २५ सय सैम्फुको सानो पाउच सहित मायाको कोसेली सञ्चारकर्मीलाई बितरण गरिएको समापन कार्यक्रम सभापति एवं केन्द्रिय सदस्य कल्पना शर्माले बताईन ।

    फाउन्डेसनका संचालक क्षितिज भण्डारीले कुनै आर्थिक संकलन नगरि सामाजिक सेवा भावले ७ सय सञ्चारकर्मीलाई  स्वास्थ्य सामाग्री प्रदान गरिएको बताए ।