देशभर थप १२ सय २८ जनामा कोरोना पुष्टि

धनगढी

   नेपालमा विहिवार थप १ हजार २ सय २८ जनामा कोरोना भाइरसको संक्रमण पुष्टि भएको छ । यस सँगै नेपालमा कोरोना  संक्रमितको कुल संख्या ४२ हजार ८ सय ७७ पुगेको छ ।

स्वास्थ्य तथा जनसंख्या मन्त्रालयका अनुसार बिहीबार ९ सय १७ जना कोरोना संक्रमित  डिस्चार्ज भएका छन् । हालसम्म डिस्चार्ज हुनेको संख्या २४ हजार २ सय ७ पुगेको छ ।

  पछिल्लो २४ घण्टामा १३ हजार ४ सय १३ जनाको पीसीआर परीक्षण भएको छ। हालसम्म ८ लाख ३१ हजार ८ सय ५२ पीसीआर परिक्षण भएको छ । देशभर सक्रिय संक्रिमित १८ हजार ४ सय १३ रहेका छन् । ६ हजार ७ सय ४९ जना क्वारेन्टिनमा रहेका छन् ।

  यस्तै काठमाडौँ उपत्यकामा ४ सय ४५ जना कोरोना संक्रमित थपिएका छन् । पछिल्लो २४ घण्टामा काठमाडौँमा ३५७, भक्तपुरमा ४२ र ललितपुरमा ४६ जनामा कोरोना पुष्टि भएको स्वास्थ्य मन्त्रालयले जनाएको छ ।