बाजुरामा क्वारेन्टाईनमा एक युवक मृत फेला

    बाजुराको एक क्वारेन्टाईनमा युवक मृत फेला परेका   छन् । बडिमालिका नगरपालिका वडा नम्वर २ भौनेरामा रहेको सत्यबादी माविको क्वारेन्टाईनमा युवक मृत फेला परेका हुन ।

    बडिमालिका नगरपालिका वडा नम्वर २ माझिगाउँका ४५ बर्षीय युवक मृत फेला परेका जिल्ला प्रहरी कार्यालय बाजुराका प्रमुख प्रहरी नायव उपरिक्षक टंक प्रशाद भट्टराईले बताए ।

  अहिले  १६ जना रहेको उक्त क्वारेन्टाईनमा मृतक ति युवा २ दिन अगाडी मात्र भारतबाट आएर क्वारेन्टाईनमा बसेका  थिए ।

 प्रहरी नायव उपरिक्षक भट्टराईले घटनाको प्रकृती हेर्दा आत्महत्या जस्तो देखिएको बताए । उनले भने–‘प्रारम्भिक हेर्दा आत्महत्या जस्तो देखिएको छ तर थप अनुसन्धान भईरहेको   छ ।’