अस्पतालका आईसोलेशनमा संक्रमितको संख्या बढ्दै

धनगढी

पछिल्ला केही दिन यता अस्पतालका आईसोलेशनमा भर्ना हुने कोरोना संक्रमितको संख्या दैनिक बढ्दै गएको छ ।

  सुदूरपश्चिम प्रदेशका बिभिन्न जिल्लामा रहेका अस्पतालका आईसोलेशनमा शनिवार सम्म १ सय २ जना संक्रमित उपचाररत रहेका छन् । प्रदेश सामाजिक विकास मन्त्रालयका अनुसार सबैभन्दा बढी धनगढी स्थित सेती प्रादेशीक अस्पतालमा ३६  जना संक्रमित रहेका छन्  । पछिल्ला केही दिन यता धनगढी उपमहानगरपालिकामा स्थानीय संक्रमित बढे संगै सेती अस्पतालको आईसोलेशनमा पनि संक्रमितको संख्या बढेको हो ।

 यस्तै टीकापुर अस्पतालमा ३१ जना,महाकाली अस्पतालमा २० जना,जिल्ला अस्पताल अछाममा १० जना, डोटी अस्पतालमा २ जना, डडेल्धुरा अस्पतालमा २ जना र दार्चुला जिल्ला अस्पतालको आईसोलेशनमा १ जना कोरोना संक्रमित उपचाररत रहेको  मन्त्रालयले जनाएको छ । मन्त्रालयका अनुसार शनिवार सम्म सुदूरपश्चिम प्रदेशमा ६ हजार १८ जना संक्रमित रहेका छन् । ति मध्य ५ हजार १ सय ९८ जना संक्रमण निको भई डिष्चार्ज भएर घर फर्केको मन्त्रालयले जनाएको छ ।