सेतीको परिक्षणमा लम्कीचुहाका ६३ सहित थप ७४ जनामा संक्रमण पुष्टि

धनगढी

 सेती प्रादेशीक अस्पतालको प्रयोगशालामा सोमबार भएको परिक्षणमा कैलालीको लम्कीचुहा नगरपालिकाका ६३ सहित थप ७४ जनामा शंक्रमण पुष्टिभएको छ ।

    पछिल्लो २४ घण्टामा चार सय ४५ जनाको कोरोना परीक्षण भएकोमा कैलालीका ७१ र कञ्चनपुरका तीन जनामा संक्रमण पुष्टि भएको सेती प्रादेशीक अस्पतालले जारी गरेको बिज्ञप्तीमा उल्लेख छ ।

 बिज्ञप्ती अनुसार कैलालीको लम्की चुहा नगरपालिकाका मात्रै ६३ जनामा संक्रमण पुष्टि भएको छ । यसैगरी धनगढी उप–महानगरपालिका वडा नम्वर ५ का चार जना, वडा नम्वर २ का दुई जना, वडा नम्वर १३ का एक जना र घोडाघोडी नगरपालिकाका एक जनामा संक्रमण पुटि भएको बिज्ञप्तीमा उल्ल्ेख छ ।

बिज्ञप्ती अनुसार कञ्चनपुरको भीमदत्त नगरपालिकाका तीन जनामा पनि संक्रमण पुष्टि भएको छ ।