ब्राउन सुगर सहित एक पक्राउ

धनगढी

    धनगढी उपमहानगरपालिका ६ जाँईबाट प्रहरीले लागुऔषध ब्राउँन सुगर सहित एक जनालाई पक्राउ गरेको छ ।

   सामुदायिक प्रहरी सेवा केन्द्र हसनपुरबाट खटिएको प्रहरी टोलीले बिशेष सूचनाको आधारमा जाँईबाट ब्राउन सुगर सहित एक जनालाई पक्राउ गरिएको जिल्ला प्रहरी कार्यालयका प्रबक्ता प्रतिक बिष्टले जानकारी दिए ।

   सेवा केन्द्रका प्रहरी ईन्चार्ज प्रहरी सहायक निरिक्षक भानबहादुर चन्दको कमाण्डमा खटिएको प्रहरी टोलीले अन्दाजी पाँच ग्राम लागु औषध ब्राउन सुगर सहित २४ बर्षिय पिमेल खड्कालाई पक्राउ गरेको    हो ।

शुक्रबार राती ११ बजे पक्राउ परेका खड्कालार्ई आवश्यक कार्वाहीका लागि जिल्ला प्रहरी कार्यालय लगिएको छ ।