पत्रकार कुँवरले गरे स्वास्थ्य सामाग्री सहयोग

डोटी

   पत्रकार चक्र कुँवरले स्वास्थ्य सामाग्री सहयोग गरेका    छन् । डोटी जिल्लामा रेडियोको क्षेत्रमा १० वर्ष देखी क्रियासील पत्रकार कुँवरले वोगटान फुड्सील गाउँपालिका र पालिकाका विभिन्न वडाहरुमा स्वास्थ्य सामाग्री सहयोग गरेका हुन ।

    जस अन्र्तगत गाउँपालिकालाई ५ सय वटा सर्जीकल मास्क र १५ थान सेनिटाइजर प्रमुख प्रशासकीय अधिकृत शंकर सुचीकारलाई कार्यालयमा हस्तान्तरण गरेका छन् । यसै गरी वडा नम्वर ५ धिर्कामाडौमा १ सय ५ वटा सावुन, १ सय ५ वटा सर्जिकल मास्क र १५ वटा सेनिटाइजर आफै क्वारेन्टाइनमा पुगेर वितरण गरेका हुन् ।

    वडा नम्वर ७ चवारा चौतारालाई १ सय ३० वटा लाइभवाइ सावुन, १ सय ३० वटा सर्जिकल मास्क र १५ वटा सेनिटाइजर वडा अध्यक्ष देव वहादुर वमलाई वडा कार्यालयमा पुगेर हस्तान्तरण गरेको पत्रकार कुँरले जानकारी दिए । उनले वडा नम्वर ४ सातफरीमा रहेका ११ क्वारेन्टाइनका १ सय ९१ जना लाई यस अघि नै स्वास्थ्य सामाग्री तथा खाध्य वस्तु वितरण गरि सकेका छन् ।