पत्रकार कुट्ने १ जना पक्राउ

धनगढी

 धनगढी स्थित दिनेश सञ्चार गृहमा प्रवेस गरी पत्रकार कुट्ने समुह मध्यका १ जनालाई प्रहरीले ५ दिन पछि पक्राउ गरेको छ ।

 पक्राउ पर्नेमा धनगढी उपमहानगरपालिका–५ जाईका सरोज थापा रहेका प्रहरीले जनाएको छ । जिल्ला प्रहरी कार्यालयका प्रवक्ता प्रहरी नायब उपरिक्षक प्रतिक विष्टका अनुसार दिनेश सञ्चार गृहले किटानी जाहेरि दिएका आधारमा थापालाई जाई स्थित घरबाटै पक्राउ गरिएको हो ।

 भदौ २६ गते जिल्ला प्रहरी कार्यालयको थुनुवा कक्षमा रहेका युवकद्वारा आत्म हत्या शिर्षकको समाचार दिने अनलाईनमा प्रकासित भएपछि आक्रोसित युवाले दिनेश सञ्चार गृहमा आक्रमण गरेको थियो ।
 भदौ २२ गते पक्राउ परेका धनगढी–५ जाईका एक युवकको २६ गते राती जिल्ला प्रहरी कार्यालय कैलालीको थुनुवा कक्षमै मृत्यु भएको यिथयो ।